SEBALDEBUREN- Hotze Bonnema uut Sebaldeburen vreest veur de toekomst. Deur nije wetten van de regering, moesten 70.000 koeien afslacht worden. Het heeft te moaken met het mestoverschot. Dij is te groot worden. Omdat boeren veur een tied terug, zulf mochten weten hoeveul koeien ze wollen melken, is de meststoapel toenommen. In de omgeving van het Westerkwartier moet elke boer ongeveer zeuven koeien afstoan. Of noar de slacht, of op export noar buutenlaand.

Deur dizze regeling binnen er fors minder koeien ien Nederland. Het hooi dat maait is dit joar en veurig joar, is te veul worden. Boeren moeten nou met minder koeien eemveul hooi zien kwiet te roaken. Hotze Bonnema uut Sebaldeburen kin dit ook slim merken. Zien hooi komt mor niet op en het besloten om het mor vergees vot te doen. Bonnema boert groag biezondere rassen. Zo het er twee soorten vee dij met uutstarven bedreigt worden. Het Grunninger peerd en de Grunninger bloarkop koe. Léstnoemde is krachtig mor geeft veul minder melk as bijveurbeeld de Holsteiner.

Volgens Hotze is er mor een manier om dizze problemen te stoppen. Uutzoeken hoeveul koeien er op een poar hectoare kinnen. Opnij beginnen met de stoapel en langzoam loaten wennen. Mor, zoas Hotze hetzulf zegt, ”binnen we al te loat.”

Archieffoto: Hotze Bonnema